تێکەڵە (مقلوبە)

تێکەڵە (مقلوبە)

0.5 کیلۆ گۆشت
1 دانە باینجانی گه‌وره
1 دانە كوله‌كه‌ی گه‌وره‌
4 دانە په‌تاته‌ی مامناوه‌ندی
2 دانە پیازی گه‌وره
3 كوپ برنج
2 كه‌وچكی چێشت دۆشاوی ته‌ماته
3 دانە بیبه‌ر

سه‌ره‌تا گۆشته‌كه‌ جوان ده‌كوڵێنیت.
باینجانه‌كه‌و كوله‌كه‌كه‌ و په‌تاته‌كه‌ و پیازه‌كه‌ و بیبه‌ره‌كه‌ قاش قاشی ده‌كه‌ین و له‌سه‌ر سینیه‌ك به‌ جیا دای ده‌نێین.
ده‌ست ده‌كه‌ین به‌ سووركردنه‌وه‌ی ئه‌و بابه‌تانه‌ی سه‌ره‌وه‌ باسمان كرد به‌ڵام ده‌بێت ئاگامان لێ بێت رۆن زۆر به‌كار نه‌هێنین ته‌نها بنی تاوه‌كه‌ چه‌ور بكرێت، مه‌رج نیه‌ ته‌واو سور بكرێته‌وه‌، دیسان به‌جیا جیا داده‌نرێت.

برنجه‌كه‌ به‌ سوری لێ ده‌نرێت واته‌ دۆشاوه‌كه‌ بۆ برنجه‌كه‌ به‌كار دێت، ئینجا واز له‌ برنجه‌كه‌ ده‌هێنرێت تا ده‌م ده‌كێشێت.
مه‌نجه‌ڵێك ده‌هێنین ڕیزی یه‌كه‌م گۆشته‌كه‌ی تێ ده‌كه‌ین، ئینجا ڕیزێك برنج، دوایی شته‌كانی تر كه‌ سوركراونه‌ته‌وه‌، چین له‌سه‌ر چین داده‌نرێت به‌پێی ئاره‌زوو، ئینجا برنجه‌كه‌ی تر به‌كار دێ، چینی سه‌ره‌وه‌ی چه‌ند قاشێ ته‌ماته‌ی ده‌كرێته‌ سه‌ر. به‌ڵام ته‌ماته‌كه‌ نابێت سور بكرێته‌وه‌.
دوای ئه‌وه‌ی چین له‌سه‌ر چین له‌مه‌نجه‌ڵێكدا ڕیزكرا، بخرێته‌ سه‌ر ئاگرێكی هێواش بۆ ماوه‌ی (15 تا 20) ده‌قه‌، پاشان پێشكه‌ش ده‌كرێت.